Latest Telugu Movie News

యువ కథానాయకుడు అజయ్‌ కతుర్వార్‌ నటించిన యూత్ ఫుల్ మెసేజ్ ఓరియంటెండ్ మూవీ విశ్వక్. యువ కథానాయిక డింపుల్‌ ప్రధాన పాత్రల్లో నటిస్తున్న సినిమా టీజర్ ను ఇవాళ హిట్ చిత్రంతో హిట్ అందుకుని జోరుమీదున్న యంగ్ హీరో విశ్వక్ సేన్ లాంచ్ చేశారు. వేణు ముల్కల దర్శకత్వం వహిస్తున్నారు. గోల్డెన్‌ డక్‌ ప్రొడక్షన్స్‌ పతాకంపై తాటికొండ ఆనందం బాలకృష్ణన్‌ నిర్మిస్తున్నారు. విభిన్న కథాంశంతో ఈ సినిమాను రూపొందిస్తున్నట్లు ప్రచార చిత్రాన్ని బట్టి తెలుస్తోంది.

‘ఎన్నారైలకేమో బాధ్యత తెలియదు. ఇక్కడున్న వారికేమో నిర్లక్ష్యం.. మరి నువ్వేం..’ అని హీరో ఓ వ్యక్తి చెంప పగలగొట్టి మరీ ప్రశ్నిస్తూ కనిపించారు. ఓ యువకుడు రైతులపై ఆసక్తికర కథనం రాస్తున్నామని చెబితే.. అలా కాకుండా యువత ఒత్తిడిపై కథనం రాయమని ఓ యువతి ప్రోత్సహించడం ఆసక్తికంగా అనిపించింది. ‘ఫుడ్‌, బెడ్‌ బాగుందని పక్కింటికి వెళ్లి బతుకుతావా?, బెటర్‌ లైఫ్‌ ఉందని పక్కదేశానికి వెళ్తావా?..’ అంటూ కథానాయకుడు పలికిన సంభాషణలు ఆకట్టుకుంటున్నాయి.

{youtube}v=93Kk6eSJHak|620|400|1{/youtube}

కరోనా కష్టంతో అల్లాడుతున్న ప్రజలకు సాయంగా నిలుస్తూ రూ. కోటీ పాతిక లక్షల భారీ సాయం ప్రకటించిన నటసింహం నందమూరి బాలకృష్ణకు ప్రత్యేక అభినందలు తెలియజేశారు మెగాస్టార్ చిరంజీవి. ఈ సందర్భంగా ఆయనపై ప్రశంసల జల్లు కురిపిస్తూ ట్వీట్ చేశారు మెగాస్టార్. ఇదే సమయంలో తమను ఇంతటి వారిని చేసిన సీనీకళామతల్లిని నమ్ముకున్న దినసరి కూలీలకు కూడా ఆపన్నహస్తం అందించిన బాలయ్యకు చిరంజీవి కృతజ్ఞతలు తెలియజేశారు.

థాంక్యూ మై డియర్ బ్రదర్ బాలయ్య.. ప్రతి కష్టసమయంలోనూ ప్రజలను ఆదుకోవడం కోసం సినీ పరిశ్రమ ఒక్కటిగా ముందుకొస్తే మీరెప్పుడూ తోడుంటారు. కరోనా క్రైసిస్‌తో ఇబ్బందులు పడుతున్న వారిని ఆదుకునేందుకు ఏర్పాటు చేసిన ‘కరోనా క్రైసిస్ ఛారిటీ (CCC)కి రూ. 25 లక్షలు, ఆంధ్రప్రదేశ్ ప్రభుత్వానికి రూ. 50 లక్షలు, తెలంగాణ ప్రభుత్వానికి రూ. 50 లక్షలు ఆర్ధిక సాయాన్ని ప్రకటించారని ట్విట్టర్ ద్వారా తెలియజేశారు చిరు. ఈ సందర్బంగా ‘కరోనా క్రైసిస్ ఛారిటీ (CCC)కి అందించిన రూ. 25 లక్షల చెక్‌ను ట్విట్టర్‌లో షేర్ చేశారు చిరంజీవి.

ఈ చెక్‌పై కరోనా క్రైసిస్ ఛారిటీతో పాటు చిరంజీవి ఛారిటిబుల్ ట్రస్ట్ అని కూడా రాసి ఉండటం విశేషం. కాగా బాలయ్య చేసిన సాయానికి ట్విట్టర్‌లో ప్రశంసల జల్లు కురుస్తోంది. పెట్టినా కొట్టినా మా బాలయ్యే అందుకే మా బాలయ్య మనసు బంగారం.. ఎంత మంది ఎన్ని హేళనలు చేసి సాయం చేయడంలో బాలయ్య మనసు పెద్దదే అని మరోసారి నిరూపించారు.. జై బాలయ్య అంటూ ట్విట్టర్‌ని హీటెక్కిస్తున్నారు బాలయ్య, చిరు అభిమానులు.

Thank you dear brother #Balayya #NBK for donating 25 lacs to #CoronaCrisisCharity & 50 lacs each to Telangana & AP Govts. You proved ur generous heart goes out to the needy every time.ప్రతి కష్టసమయంలోను,ప్రజలను ఆదుకోవటం కోసం సినీ పరిశ్రమ ఒక్కటిగా ముందుకొస్తే,మీరెప్పుడు తోడుంటారు pic.twitter.com/9IWMw3ovMn

— Chiranjeevi Konidela (@KChiruTweets) April 3, 2020

కరోనా వైరస్‌పై పోరాటానికి టాలీవుడ్‌ అగ్ర కథానాయకుడు నందమూరి బాలకృష్ణ నేను సైతం అంటూ కదం తొక్కారు. తన వంతుగా తెలుగు రాష్ట్రాలకు ఆయన రూ. కోటి 25 లక్షలు విరాళంగా ప్రకటించారు. కరోనా కట్టడి కోసం పోరాటం చేస్తున్న కేంద్ర, రాష్ట్ర ప్రభుత్వాలకు గత కొన్నిరోజుల నుంచి సినీ తారలు తమవంతు ఆర్థికసాయం అందిస్తున్నారు. ఈ నేపథ్యంలో హిందూపురం ఎమ్మెల్యే, నందమూరి నటసింహం బాలకృష్ణ రూ.1.25 కోట్లు విరాళంగా అందించనున్నట్లు ప్రకటించారు.

రెండు తెలుగు రాష్ట్రాలలోని తెలుగు ప్రజలకు సాయం ప్రకటించిన ఆయన.. అందులో రూ.50లక్షలు తెలంగాణ సీఎం సహాయ నిధికి, మరో రూ.50 లక్షలు ఆంధ్రప్రదేశ్‌ సీఎం వైఎస్ జగన్ సహాయనిధికి అందించనున్నారు. తెలుగు సినీ కార్మికుల సహాయార్థం చిరంజీవి ఆధ్వర్యంలో ఏర్పాటు చేసిన సీసీసీ(కరోనా క్రైసిస్‌ ఛారిటీ)కి రూ.25 లక్షలు ప్రకటించారు. ఈ మేరకు రూ.25లక్షల చెక్కును ఆ సంస్థ ఎగ్జిక్యూటివ్‌ సభ్యుడు సి.కల్యాణ్‌కు అందించారు. ఇక తెలంగాణలో మంత్రి కేటీఆర్ ను కలసి స్వయంగా రూ.50లక్షల చెక్కును అందజేశారు.

ఈ సందర్భంగా ఆయన మాట్లాడుతూ మందులేని కరోనావైరస్ మహమ్మారిని జయించేందుకు ప్రజల వద్ద ఉన్న ఒకే ఆయుధం సామాజిక దూరం అని దానిని ప్రజలందరూ పాటించాలని అన్నారు. ఇక కేంద్రప్రభుత్వం లాక్ డౌన్ అమలు చేస్తున్న నేపథ్యంలో ప్రజలు ఇళ్లకే పరిమితమై తగిన జాగ్రత్తలు పాటించి కరోనాను అరికట్టాలని బాలకృష్ణ సూచించారు. శుభ్రతను పాటించి పరిశ్రభ వాతావరణ మధ్య వుంటూ ఎంతటి కరోనా వైరసైనా దరి చేరదని ఆయన ప్రజలకు ధైర్యం చెప్పారు.

కరోనా వైరస్ వ్యాప్తి చెందకుండా చేసే పోరాటానికి ప్రతి ఒక్కరూ కలిసి రావాలని, బయటకు రాకుండా ఇళ్లలోనే ఉండి ప్రాణాలను కాపాడుకోవాలని ప్రభుత్వం, రాజకీయ నేతలు, సెలెబ్రిటీలు పిలుపు నిస్తున్న విషయం తెలిసిందే. నటుడు, ‘డైలాగ్ కింగ్’ సాయికుమార్ ఇదే విషయాన్ని చెబుతూ ఓ వీడియోను పోస్ట్ చేశారు. ‘ దేశం కోసం ఎందరో మహానుభావులు తమ ప్రాణాలను సైతం ధారపోసి.. త్యాగాలు చేశారని.. అయితే దేశం మనకేం చేసిందన్న ప్రశ్నను పక్కనబెట్టి.. దేశానికి మనం ఏం చేశామన్న విషయం గురించి అలోచించాల్సిన సమయం అసన్నమైందని అన్నార.

ప్రస్తుత తరఉనంలో దేశంలో కోసం ప్రతీ ఒక్కరూ చేయాల్సిందే ఒక్కటేనని.. అదే ఎవరి ఇంట్లో వారు నిర్భంధంలో వుండటం అని అన్నారు. కనిపించే మూడు సింహాలు డాక్టర్లు, పోలీసులు, పారిశుద్ధ్య కార్మికులు అయితే కనిపించని నాల్గో సింహాం ‘మీరు’.  ‘మీరు’ అంటే మనం, ‘మనం’ అంటే దేశం..’ అంటూ ఆ వీడియోలో చెప్పారు. మనం అందరం కలిసికట్టుగా పోరాడదామని, ఆ వైరస్ ను తరిమి కొడదామని, ‘ఆ మహమ్మారి నుంచి ప్రపంచాన్ని కాపాడదాం’ అని సాయికుమార్ పిలుపు నిచ్చారు.

కనిపించే మూడు సింహాలు డాక్టర్లు, పోలీసులు, పారిశుద్ధ కార్మికులు అయితే కనిపించని నాలుగో సింహమే మీరు.. మీరు అంటే మనం.. మనం అంటే దేశం....

Dialogue King #SaiKumar appeals everyone to #StayHomeSaveLives in our fight against #CoronavirusOutbreak pic.twitter.com/drj3plRORO

— BARaju (@baraju_SuperHit) April 1, 2020

కరోనా మహమ్మారితో థియేటర్స్ అన్నీ మూతపడ్డాయి. ప్రేక్షకుడికి వినోదం ఇప్పుడు ఇంట్లో ఉండే టెలివిజన్ మాత్రమే. కాగా సూపర్ స్టార్ మహేష్ హీరోగా అనిల్ రావిపూడి దర్శకత్వంలో తెరకెక్కిన ‘సరిలేరు నీకెవ్వరు’ చిత్రం సంక్రాంతికి విడుదలై బ్లాక్‌బస్టర్ విజయాన్ని అందుకుంది. లేడీ సూపర్ స్టార్ విజయశాంతి ఈ చిత్రంతో రీ ఎంట్రీ ఇచ్చిన విషయం తెలిసిందే. ఈ చిత్రాన్ని ఉగాది పర్వదినాన టెలివిజన్ ప్రీమియర్‌గా మార్చి 25న జెమినీ టీవీలో టెలికాస్ట్ చేశారు. అయితే కరోనా ఎఫెక్ట్‌తో ఈ చిత్రం అత్యధిక టీఆర్పీని సొంతం చేసుకుని సంచలన రికార్డ్‌ను నమోదు చేసింది. బుల్లితెరపై ఇప్పటి వరకు ఉన్న బాహుబలి రికార్డ్‌ను కూడా ఈ చిత్రం బీట్ చేయడం విశేషం.

ఉగాది రోజు ప్రసారమైన ఈ చిత్రానికి 23.4 టీఆర్పీ వచ్చినట్లుగా సదరు ఛానెల్ ప్రకటించింది. అంతకు ముందు ‘బాహుబలి’ పేరిట ఉన్న 22.7 టీఆర్పీ రేటింగ్‌ను ఈ చిత్రం అధిగమించి టాప్ స్థానాన్ని సొంతం చేసుకుంది. బాహుబలి తర్వాత స్థానంలో మళ్లీ మహేష్ బాబు మూవీనే ఉండటం మరో విశేషం. మహేష్ బాబు, కొరటాల శివ కాంబినేషన్‌లో వచ్చిన ‘శ్రీమంతుడు’ చిత్రం 22.54 టీఆర్పీని సాధించింది. ఇప్పుడు ఈ చిత్రం మూడో స్థానానికి పరిమితమైంది. మొత్తంగా చూస్తే కరోనా వైరస్ కారణంగా ఇళ్లకే పరిమితమైన జనం.. ‘సరిలేరు నీకెవ్వరు’ చిత్రాన్ని బుల్లితెరపై కూడా విజయవంతం చేయడంలో ప్రముఖ పాత్ర పోషించారన్నది మాత్రం నిజం

ప్రపంచవ్యాప్తంగా వేలాది మందిని బలితీసుకున్న కరోనా వైరస్ మహమ్మారి.. బహుముఖ ప్రజ్ఞాశీలరులను కూడా తన కబంధహస్తాలలో చిక్కుకునేట్టు చేసి వారి ప్రాణాలను సైతం కబళించివేసింది. ఈ వైరస్ బారిన పడి ప్రముఖ నటుడు, 'స్టార్‌ వార్స్‌' సీరీస్ ఫేమ్‌ ఆండ్రూ జాక్‌ కన్నుమూశారు. ఆయన వయసు 76 సంవత్సరాలు. రెండు రోజుల క్రితం ఆయనకు జరిపిన రక్త పరీక్షల్లో కరోనా పాజిటివ్‌ వచ్చింది. దీంతో ఆయన్ను సర్రేలోని ఆసుపత్రిలో చికిత్స నిమిత్తం చేర్చగా, పరిస్థితి విషమించడంతో ఆయన తుదిశ్వాస విడిచారు.

ఈ విషయాన్ని ధ్రువీకరించిన ఆండ్రూ జాక్ ప్రతినిధి జిల్‌ మెక్ లాగ్‌, ఆయన మృతి తమకు తీరని లోటని అన్నారు. 'స్టార్‌ వార్స్‌' సీరీస్ 7, 8లో ఆండ్రూ జాక్ నటించారు. ఎంతో మందికి భాషపై మెలకువలు నేర్పారు. హాలీవుడ్ స్టార్ హీరోలు రాబర్ట్‌ డౌనీ జూనియర్‌, క్రిస్ హేమ్స్‌ వర్త్‌ లకు డయలెక్ట్‌ కోచ్‌ గానూ ఆయన వ్యవహరిస్తున్నారు. ప్రస్తుతం జాక్ భార్య గేబ్రియల్‌ రోజర్స్‌ ఆస్ట్రేలియాలో ఉన్నారు. భర్త మరణం గురించి తెలిసిన తరువాత ఆమె స్పందిస్తూ, రెండు రోజుల క్రితం తన భర్తకు కరోనా పాజిటివ్‌ వచ్చిందని, ఆయన ఎటువంటి బాధా లేకుండా కన్నుమూశారని వెల్లడించారు.

వైష్ణవ్ తేజ్ కథానాయకుడిగా బుచ్చిబాబు దర్శకత్వంలో 'ఉప్పెన' నిర్మితమైంది. గ్రామీణ వాతావరణం .. జాలరుల జీవితం .. ఈ నేపథ్యంలో అల్లిన ప్రేమకథగా ఈ సినిమా రూపొందింది. యూత్ ను దృష్టిలో పెట్టుకుని నిర్మించిన ఈ సినిమాను ఏప్రిల్ 2వ తేదీన విడుదల చేయనున్నట్టు కొన్ని రోజుల క్రితమే చెప్పారు. అయితే కరోనా కారణంగా ఈ సినిమా విడుదల తేదీ కూడా వాయిదా పడింది.

కరోనా పరిస్థితులు ఒక కొలిక్కి వస్తే, మే మొదటివారంలో ఈ సినిమాను విడుదల చేయాలనే నిర్ణయానికి దర్శక నిర్మాతలు వచ్చినట్టుగా చెబుతున్నారు. ఈ సినిమాతో కృతి శెట్టి కథానాయికగా పరిచయమవుతోంది. ఈ అమ్మాయి స్టిల్స్ చూసే కుర్రాళ్లంతా మనసులను పారేసుకున్నారు. టీజర్ వదిలిన దగ్గర నుంచి సినిమాపై మరింత ఆసక్తిని పెంచుకున్నారు. విడుదలకి ముందే ఈ సుందరికి వరుస అవకాశాలు వస్తున్నాయనేది ఫిల్మ్ నగర్ టాక్.

కరోనా వైరస్‌ మహమ్మారిపై కేంద్ర, రాష్ట్ర ప్రభుత్వాలు సాగిస్తున్న పోరాటంలో మేముసైతం అంటూ సినీ, టీవీ రంగాలకు చెందిన ప్రముఖులు కూడా కదం కలుపుతున్నారు. అటు దేశప్రధాని మోడీ ఆధ్వర్యంలోని పీఎం కేర్స్ ఫండ్ కు విరాళాలను అందించడంతో పాటు ఇటు ఇటు తెలుగు రాష్ట్రాల ముఖ్యమంత్రుల సహాయ నిధికి కూడా విరాళాలను అందిస్తున్నారు. ఇక మరికొందరు ఈ రంగానికి చెందిన ప్రముఖులు.. తమ రంగంలోని కార్మికులను అదుకునేందుకు మెగాస్టార్ చిరంజీవి ప్రారంభించిన కరోనా క్రైసెస్ ఛారిటీకి కూడా విరాళాలను అందజేస్తున్నారు.  

ఈ క్రమంలో లాక్ డౌన్‌ కారణంగా ఇబ్బందులు పడుతున్న సినీ కార్మికులను, సినీరంగంలోని దినసరి కార్మికులను, పేదలను ఆదుకోవడానికి చిరంజీవి నేతృత్వంలో ఏర్పడిన కరోనా క్రైసిస్‌ ఛారిటీ (సీసీసీ)కి విరాళాలు వెల్లువెత్తుతున్నాయి. ఇప్పటివరకు ఎంత నిధి సమకూరిందన్న విషయాన్ని చిరంజీవి తన ట్విట్టర్‌ ఖాతా ద్వారా తెలిపారు. 'ఇప్పటివరకు 6.2 కోట్ల రూపాయలు సేకరించాం. విరాళాలు ఇచ్చిన ప్రతి ఒక్కరికీ హృదయపూర్వకంగా కృతజ్ఞతలు చెబుతున్నాను. ప్రతి ఒక్కరు ముందుకు వచ్చి సాయం చేయాలని కోరుతున్నాను' అని చిరంజీవి ట్వీట్ చేశారు. విరాళాలు ఇచ్చిన సినీ ప్రముఖుల పేర్లను చిరంజీవి తన ట్విట్టర్‌ ఖాతాలో పోస్ట్ చేస్తున్నారు.

కరోనా వైరస్‌ మహమ్మారిపై కేంద్ర, రాష్ట్ర ప్రభుత్వాలు సాగిస్తున్న పోరాటంలో మేముసైతం అంటూ సినీప్రముఖులతో పాటు బుల్లితెర సెలబ్రిటీలు కూడా కదం కలుపుతున్నారు. ఇప్పటికే యాంకర్ ప్రదీప్ టెలివిజన్ రంగంలో రోజువారీ వేతనానికి పనిచేసే 50 నుంచి 60 కుటుంబాలకు ఆర్థిక సాయం అందించనున్నట్లు తెలియజేయగా, తాజాగా బుల్లితెర ప్రముఖ యాంకర్ రష్మీ గౌతమ్ కూడా తన వంతు సాయాన్ని ప్రకటించారు. పవర్ స్టార్ పవన్ కల్యాణ్ తో పాటు రెబెల్ స్టార్ ప్రభాస్ తరువాత ప్రధాని సహాయ నిధికి రాష్ట్రం చలనచిత్ర రంగం నుంచి విరాళాన్ని ప్రకటించింది ఈ జబర్ధస్త్ యాంకర్.

రష్మీ గౌతమ్ పీఎం కేర్స్ ఫండ్‌కి తనవంతు విరాళమందించినట్లు తెలిపింది. బుల్లితెరపై ప్రసారమవుతున్న ‘జబర్ధస్త్’ షో ద్వారా ఎంతో పాపులారిటీని సంపాదించుకున్న రష్మీ.. ప్రస్తుత విపత్కర పరిస్థితులను దృష్టిలో పెట్టుకుని తన వంతు సాయం అందించింది. తాజాగా రష్మీ కూడా పీఎం కేర్స్‌కు రూ. 25000 పంపించి తన ఉదారతను చాటుకుంది. ఈ విషయాన్ని ఆమె తన ట్విట్టర్ ద్వారా షేర్ చేసుకుంది. పీఎం కేర్స్‌కు పంపించిన ఫండ్‌కు సంబంధించిన స్క్రీన్ షాట్ కూడా ఆమె తన ట్వీట్‌కు యాడ్ చేసింది.

‘నా వంతు సాయం నేను అందించాను. ప్రతి ఒక్కరూ ఈ కష్టకాలంలో తమకు తోచినంతగా సాయం చేయండి’’ అని రష్మీ కోరింది. చాలా మంచి పని చేసావంటూ పలువురు రష్మీని అభినందిస్తుంటే.. టీవీ షోలకు ఎపిసోడ్‌కు ఇంత అని చార్జ్ చేసే రష్మీకి 25 వేలు పెద్ద అమౌంట్ కాదని, పీఎం ఫండ్‌కు కాబట్టి కాస్త పెద్దమొత్తంలో డొనేట్ చేసుంటే బాగుండేది అంటూ కొందరు కామెంట్ చేస్తున్నారు. పవన్ కళ్యాణ్, ప్రభాస్ తర్వాత టాలీవుడ్ నుంచి పీఎం కేర్స్ ఫండ్‌కు విరాళమందించింది రష్మీనే కావడం విశేషం.

I have donated 25000 as of now
will be doing my bit by donating to a few honest NGO's too while I use my resources too feed the hungry voiceless around
Requesting one and all to do there bit too come forward and help in which ever way possible pic.twitter.com/yYHiq4LZm1

— rashmi gautam (@rashmigautam27) March 30, 2020

ఒక వైపున దర్శకుడిగా సినిమాలు తీస్తూనే, మరో వైపున హీరోగాను ప్రభుదేవా తన కెరియర్ ను కొనసాగిస్తున్నాడు. ఈ దర్శకుడు నటుడిగా నిర్మితమవుతున్న యాభైవ చిత్రం పోన్ మాణికవేల్ విడుదల ఆలస్యం కానుంది. అయితే ఈ తరుణంలో పలు చిత్రాలలో నటించేందుకు ప్రభుదేవా సంతకాలు చేశారు. వాటిలో థీల్, ఓమాయ్ విజిగల్, భగీరా చిత్రాలు శరవేగంగా రూపొందుతున్నాయి. పక్కాగా ప్లాన్ చేసుకుని, కెరియర్ ను బ్యాలెన్స్ చేసుకుంటున్న ఈ దర్శకనటుడు.. ప్రస్తుతం సైకో మిస్టరీ ధ్రిల్లర్ భగీరాలో సైకో పాత్రలో మెరువనున్నారు.

సైకో థ్రిల్లర్ గా తెరకెక్కుతున్న ఈ చిత్రంలో ప్రభుదేవా సరసన ఐదుగురు హీరోయిన్లు నటిస్తున్నారని తాజా సమాచారం. ఇంతకు మునుపెన్నడూ చేయని పాత్రను ఆయన పోషిస్తున్నాడు. ఇప్పటికే అమైరా దస్తూర్ .. గాయత్రిలను ఎంపిక చేశారు. మరో ముగ్గురు కథానాయికల కోసం అన్వేషణ సాగుతోందని తెలుస్తోంది. ఇటీవల వచ్చిన ఈ సినిమా ఫస్టులుక్ పోస్టర్ కి మంచి రెస్పాన్స్ వచ్చింది. ఈ సినిమాపై అంచనాలు కూడా పెంచేసింది. అయితే లాక్ డౌన్ నేపథ్యంలో చిత్రం షూటింగ్ ప్రస్తుతం బ్రేకులు పడ్డాయి.